الرسالة_الأخيرة
#الرسالة_الأخيرة
أنا مش عايز أقولك ارجعي...
بس نفسي ترجعي
شايفة الفرق
أنا مش بطلب منك حاجة
أنا بس بقولك
إن قلبي لسه مستني
لسه مستني صوتك
في آخر الليل
لسه مستني كلمة منك
تطمنه
لسه مستني اللحظة
اللي تفتحي فيها الكلام
كأن مفيش بينا غياب
أنا عارف إنك بعيدة...
بس والله يا حبيبتي
البعد مش بالمسافات
البعد الحقيقي
إنك تبقي قدام عيني
ومش قادر اوصلك
وأنا قلبي كل يوم
بيجري وراكي
وحشتيني...
مش وحشة من العادي
دي وحشة
بتصحيني من عز النوم
وتقعد جنبي تواسينى
وتفضل تحكيلي عنك
لحد ما أنام
وحشتيني
في القهوة اللى بتفور منك
ولو ما فرتش
بتتكب على قميصك
واضحك وعنيا بتيجى
فى عنيكى
وانت عارفة نهايه القصة
وحشتيني
في اغاني آخر الليل
وسومة وحلوتها
وفي كل مرة
أشوف فيكِ حاجة حلوة
وأقول عملها بالعانى
علشان احب تفاصلها
أنا لسه فاكر تفاصيلك...
وده أكتر شيء بيوجعنى
فاكر ضحكتك
فاكر كلامك
فاكر نظرتك وحنانك
ولما كنتي بتزعلي
وتجرى منى على سريرك
اجرى عليكى واصالحك
وانا بصالحك اقول ياريت
كل ثانيه تزعل واصالحها
واصل كنت بعرف أراضيكي...
وكانت شفايفك بترضينى
طب مين هايعرف
دلوقتي يراضيني
مين هيقول لي "ماتزعلش"
وبنظرة رضا يطبطب على قلبى
مين هيلم قلبي
لما يحن ليكي
بالطريقة اللى انتِ
كنتِ بتعمليها
أنا مش عايز ألومك...
أنا بس نفسي أفهم
إزاي قدرتي تمشي
وتسيبي وراكي
حد كان شايفك
آخر أمانه
أنا يمكن غلطت...
يمكن قصرت...
يمكن في لحظة
مخدتش بالي من وجعك
بس والله
لو كنت أعرف
إن سكوتي هيبعدك
كنت فضلت أتكلم
لحد ما صوتي يخلص
ولو كنت أعرف
إن زعلك هيوجعك كده
كنت حضنت زعلك
قبل ما أحاول أبرره
فلو لسه في قلبك
حتة صغيرة ليا...
ماتستخسريهاش فيا
سيبيها تكبر
سيبي الحنين
ياخدنا لبعض
وسيبي قلبي
يرتاح فى انتظارك
تعالي...
مش عايز منك اعتذار
ولا تفسير
ولا حتى وعد
تعالي بس
وأنا أوعدك
إني مش هسألك
إنتي ليه غبتي...
هسألك سؤال واحد
هو أنا وحشتك
قد ما إنتي وحشتيني
ولو قلتي آه...
أعتبر كل اللي فات
مجرد غياب طويل
وهبدأ معاكي
من أول كلمة
وحشتيني...
تعالي نكمل
الحكاية اللي وقفناها
عند آخر نبضة ❤️🩹❤️🔥
#عماد
@malwsymy8
#قيثارة_النيل
تعليقات
إرسال تعليق